Main Dhundhta Tujhe Tha

main dhundhta tujhe tha

Main Dhundhta Tujhe Tha

Main dhundhta tujhe tha, jab kunj aur wan me |

Tu khojta mujhe tha, tab deen k watan me ||

Tu aah ban kisi ki, mujhe ko pukarta tha |

Mai tha bulata, sangeet aur bhajan me ||

Mere liye khara tha, dukhiyon k dwar par tu |

Mai baat johta tha, teri kisi chaman me ||

Ban kar kisi k aansu, mere liye baha tu |

Mai dekhta tujhe tha, anand k sadan me ||

Dukh me rula-rula kar, tune mujhe chitaya |

Mai mast ho raha tha, tab haay anjuman me ||

Baje baja-baja kar, mai tha tujhe rijhata |

Tab tu laga hua tha, patiton k sangathan me ||

Tu beech me khara tha, bebas gire huoon k |

Mai swarg dekhta tha, jhukta kaha charan me ||

Tune diye anekon awasar, naa mil saka mai |

Tu karm me magan tha, mai wayast tha kathan me ||

Harichand aur dhrub ne, kuch aur hi bataya |

Mai to samajh raha tha, tera pratap dhan me ||

Tera pata sikandar ko, mai samajha raha tha |

Par tu basa hua tha, farhad kohwan me ||

Prahalad janta tha, tera sahi thikana |

Tu hi machal raha tha, mansur ki ratan me ||

Kaise tujhe milunga, jab bhed is kadar hai |

Hiaraan hoke bhagwn, aaya hun mai sharan me ||

He deen-bandhu ! aisi prateebha pradaan kar tu |

Dekhu tujhe drigon me, man me tatha wachan me ||

Kathinayiyon dukhon ka, itihaas hi suyas hai |

Mujhko samartha kar tu, bas kasht k sahan me ||

Dukh me naa haar manu, sukh me tujhe naa bhulun |

Aisa Prabhaw bhar de, mere adheer man me ||

Leave a Reply

Your email address will not be published. Required fields are marked *